پٹنہ ،17؍نومبر ( ایس او نیوز؍آئی این ایس انڈیا )آر جے ڈی سربراہ لالو پرساد یادو کو مسلسل ایک کے بعد ایک جھٹکے مل رہے ہیں۔سی بی آئی اور ای ڈی سے پریشان لالو یادو کے لئے اس بار بھی کچھ اچھی خبر نہیں ہے۔بہار حکومت کے کوآپریٹوز محکمہ نے ممبر اسمبلی کوآپریٹو کی تحقیقات میں بہت بے ضابطگی پائی ہیں۔اس کا انکشاف نائب وزیر اعلی سشیل مودی میں منعقد کوآپریٹیو کانفرنس میں کیا۔سشیل مودی نے کہا کہ محکمہ جاتی تحقیقات میں یہ پایا گیا کہ ممبر اسمبلی کوآپریٹو جو پٹنہ شہر کے درمیان میں ہے، وہاں بہت سے ممبران اسمبلی نے قانون کی خلاف ورزی کرتے ہوئے ایک سے زیادہ پلاٹ لیاہے۔حالانکہ مودی نے اپنی تقریر میں لالو یادو کا نام نہیں لیا لیکن مانا جا رہا ہے کہ رکن اسمبلی کوآپریٹو میں کسی ایک شخص نے سب سے زیادہ قانون کو توڑا ہے، وہ ہیں لالو یادو۔حالانکہ مودی نے مانا کہ شکایات کی تحقیقات میں دو باتیں صاف تھی کہ نا صرف دفعات کے برعکس بہت ممبر اسمبلی نے ایک سے زیادہ پلاٹ لیا، بلکہ کچھ رکن اسمبلی اپنے پلاٹ کا استعمال کاروباری کاموں کے لئے کر رہے ہیں جو اصول کے خلاف ہیں۔ایسا مانا جا رہا ہے کہ سشیل مودی کا اشارہ لالو یادو کی طرف تھا۔اس سے قبل سشیل مودی نے پریس کانفرنس کرکے لالو یادو پر اپنے پارٹی کے ممبران اسمبلی کے پلاٹ کا یا رابڑی دیوی کے نام تحفہ دینے کا الزام لگایا تھا۔بتا دیں کہ لالو یادو کے مکان میں گزشتہ کئی برسوں سے کرائے پر دفتر چل رہا ہے۔اس کے بارے میں بحث کرتے ہوئے مودی نے کہا کہ کچھ لوگ قوانین کے برعکس اپنے پلاٹ کااستعمال کر رہے ہیں۔ لیکن سوال یہ ہے کہ کیا نتیش کمار کی حکومت لالو یادو کے نام سے ایک سے زیادہ پلاٹ کا آونٹن کرے گی یا اپنے مکان میں کرایہ لگانے کے عوض کوئی جرمانہ لگائے گی۔بہار میں اقتدار کے گلیارے میں اس بات کی بحث ہوتی رہی ہے کہ جب مہاگٹھ بندھن کی حکومت تھی تب لالو یادو کے تمام دباؤ کے باوجود نتیش کمار نے ممبر اسمبلی کوآپریٹو کے فائل پر اپنی رضامندی نہیں دی تھی۔تاہم اس ممبر اسمبلی کوآپریٹو کے سیکرٹری اور دیگر عہدوں پر لالو یادو کی پارٹی کے لوگوں کا گزشتہ کئی سالوں سے قبضہ رہا ہے۔